Estás en:

Detalle trámite

Solicitude de subvencións municipais a entidades sen fins de lucro para o exercicio económico 2024.

Prazo de Xustificación Aberto

Xustificar

(on line)

O fin destas bases é establecer os criterios e o procedemento para conceder as subvencións municipais, de acordo cos principios de publicidade, libre concorrencia e igualdade, para a realización de actividades que complementen ou suplan ás atribuídas á competencia municipal; ou que en xeral contribúan ó fomento dos intereses xerais ou sectoriais da veciñanza do concello de Bergondo.:

Prazo de presentación do 18 de abril ata o 16 de maio.

Prazo de xustificación máximo ata o 30 de novembro.

Quen pode presentar unha solicitude

Poderán solicitar subvencións as entidades públicas ou privadas, que, cumprindo ó prescrito no artigo 13 da Lei 38/2003, e artigo 10 da Lei 9/2007, de 13 de xuño, de subvencións de Galicia, que reúnan ademais os seguintes requisitos:

Estar incluídas no Rexistro Municipal de Asociacións Veciñais (REMAV) do Concello de Bergondo, ou polo menos ter feita a solicitude para a inclusión neste Rexistro en data anterior á solicitude da subvención. Non obstante, para resultar beneficiaria, será requisito imprescindible que no momento da concesión da subvención, a Asociación xa estea debidamente inscrita no REMAV.
Carecer de ánimo de lucro.
Ter entre outros fins a realización das actividades obxecto da subvención.
No caso de ser beneficiaria doutra subvención, axuda económica ou convenio doutra área do Concello de Bergondo ou de calquera outro organismo ou entidade dependente ou autónomo, correspondente ó exercicio económico de 2024, e para a mesma actividade, o importe total dos ingresos obtidos non poderá exceder do total dos gastos desa actividade.
Encontrarse ó corrente das obrigas tributarias e coa seguridade social.
De ser o caso, ter xustificadas as subvencións recibidas con anterioridade polo Concello de Bergondo.
Dispor de estrutura suficiente para garantir o cumprimento dos seus obxectivos.

Como e onde facer o proceso

A través de medios electrónicos, conforme establece o artigo 14.2 da Lei 39/2015, de 1 de outubro, do procedemento administrativo común das administracións públicas.

As entidades que concorran á presente convocatoria deberán presentar os seguintes modelos normalizados:

Modelo 1: solicitude.
Modelo 2: designación de conta bancaria. Non será necesario adxuntalo se non sufriu modificacións.

Documentación

Modelo 1: solicitude.
Modelo 2: designación de conta bancaria. Non será necesario adxuntalo se non sufriu modificacións.

Xustificación

A data límite para a presentación da documentación requerida non poderá exceder do 30 de novembro de 2024.

O procedemento para presentar a seguinte documentación debidamente cuberta, será a través da achega de documentación complementaria:

Modelo 3: xustificación de subvención.

E no caso de ser necesarios:

Modelo 4: modelo de recibín para profesores e/ou monitores.
Modelo 5: modelo para gastos de viaxe (so para as actividades que se desenvolvan fora do termo municipal, como consecuencia de intercambios deportivos ou culturais, ou pola participación en campionatos). Os gastos de viaxe, terán que vir unidos ao xustificante da actividade.

Normativa