Castellano
Detalle trámite
Solicitude de axudas extraordinarias apoio ao pagamento da vivenda habitual e das facturas de enerxía eléctrica e térmica
Non hai convocatorias abertas actualmente
As consecuencias socieconómicas da actual crise distribúense de forma desigual na poboación, aumentando os niveis de pobreza e exclusión social de aqueles colectivos máis vulnerables.
Para facer fronte ás consecuencias da crise e a paliar o seu impacto económico e social, esta convocatoria ten por obxecto a concesión de axudas económicas para o pagamento da vivenda habitual e das facturas de enerxía eléctrica e térmica ás familias máis vulnerables do Concello de Bergondo.
O prazo para presentar as solicitudes será dende o 21 de outubro ata o 18 de novembro, ambos os dous incluídos.
- Poderán ser beneficiarias destas axudas as persoas físicas maiores de idade que na data da presentación da solicitude cumpran os seguintes requisitos:
- Ter a nacionalidade española ou residir legalmente en España, no caso das persoas estranxeiras.
- Ser titulares, en condición de persoa inquilina dun contrato de alugamento ou dun préstamo hipotecario dunha vivenda situada no Concello de Bergondo.
- Que a vivenda constitúa a súa residencia habitual, así como da súa unidade de convivencia. Para estes efectos, tanto a persoa beneficiaria como as demais persoas integrantes deben constar empadroadas na vivenda cunha antigüidade mínima de seis meses. Nos casos nos que se evidencie que na vivenda residen máis persoas aínda sen figurar empadroadas, requiriráselles a estas a documentación relativa á situación económica e computará xunto cos ingresos da unidade de convivencia.
- Estar en situación de vulnerabilidade económica considerando isto cando o conxunto dos ingresos do ano 2021 dos membros da unidade de convivencia non superen, con carácter xeral 2 anualidades do IPREM vixente (13.896,48€). Este límite ampliarase a 3 anualidades do IPREM vixente (20.844,72€) no caso de grupos de familias de especial consideración: familias numerosas, familias monoparentais, familias con persoas maiores ao cargo, familias con persoas con discapacidade ao cargo, familias acolledoras e familias vítimas de violencia de xénero.
Contía e límite das axudas.
- Axudas ao pagamento da vivenda habitual; a contía desta axuda será de ata 300 euros mensuais sen que en ningún caso poida exceder do importe mensual da renda do contrato ou do préstamo hipotecario. A axuda concederase nun máximo de tres mensualidades do ano 2022.
- Axudas ao pagamento facturas de enerxía eléctrica e térmica; a contía desta axuda será de ata 400 euros. A axuda concederase nun máximo de catro facturas do ano 2022. As axudas de enerxía térmica inclúen os gastos derivados da compra de: leña, gasóleo, butano, pellets...
- Ambas as dúas axudas son compatibles entre si.
- No caso de esgotarse o crédito, a prioridade de concesión e/ou da fixación da contía determinarase en función do menor resultado de aplicar a seguinte fórmula: ingresos da unidade de convivencia / contía límite de ingresos da unidade de convivencia.
As solicitudes segundo o modelo oficial presentaranse preferentemente de forma telemática a través da Sede electrónica municipal.
Para a vía presencial requírese cita previa chamando ao Rexistro municipal no 981791252 Ext.2 en horario de 09,00h a 14,30h ou a través do enderezo electrónico cita.previa@bergondo.gal.
Neste caso é necesario cubrir o modelo de solicitude, imprimilo e xuntar a documentación requirida.
- Solicitude: Anexo
- Fotocopia do D.N.I. da persoa que presenta a solicitude e figura como titular do contrato de alugamento ou do préstamo hipotecario.
- Fotocopia do contrato de alugamento ou fotocopia do préstamo hipotecario segundo o caso.
- Fotocopia da Declaración da Renda das Persoas Físicas correspondente o exercicio 2021.
- Certificado de conta bancaria da que a persoa solicitante sexa titular.
- Xustificación bancaria do pagamento do alugueiro ou o préstamo hipotecario referido ás mensualidades para as que se solicita a axuda. No caso de que o xustificante sexa un recibo deberán constar, como mínimo, os seguintes datos; datos identificadores da persoa arrendadora, datos identificadores da persoa inquilina, identificación da vivenda, contía abonada, mes ao que se refire o pagamento e referencia expresa a que a mensualidade está pagada.
- Xustificación do pagamento facturas de enerxía eléctrica e térmica para as que se solicita a axuda.
- De ser o caso, xustificación da redución de ingresos en máis dun 50%.
- De non autorizar á consulta, xustificante de empadroamento colectivo.
- Declaración responsable de que nin a persoa solicitante nin ningunha outra integrante da súa unidade de convivencia é propietaria ou usufrutuaria dalgunha vivenda en España no caso de solicitar a axuda ao alugamento e dunha segunda vivenda no caso de optar pola axuda ao préstamo hipotecario.
- Declaración responsable de que nin a persoa solicitante nin ningunha outra integrante da súa unidade de convivencia ten parentesco en primeiro ou segundo grao de consanguinidade ou de afinidade coa persoa que teña a condición de arrendador da vivenda.
- Declaración responsable de que todos os datos da solicitude son certos.
- Calquera outra documentación necesaria para acreditar o cumprimento dos requisitos establecidos.
Nome: Solicitude de axudas extraordinarias apoio ao pagamento da vivenda habitual e das facturas de enerxía eléctrica e térmica.
Inicio do procedimiento: A instancia de parte.
Tipo de interesado: Persoa física.
Recurso aplicable: Potestativo de reposición / Contencioso - administrativo
Canles de atención: Telemático
Presencial
