Castellano
Detalle trámite
Solicitude inscrición na convocatoria de axudas extraordinarias de apoio ás familias para a adquisición de material informático
Non hai convocatorias abertas actualmente
Esta convocatoria ten por obxecto a concesión de axudas que contribúan a minimizar o impacto económico e social da COVID- 19 nas familias máis vulnerables corrixindo o acceso desigual ás novas tecnoloxías e ao material dixital imprescindible para que o alumnado bergondés poida desenvolver a súa formación e aprendizaxe on-line.
Poderán ser beneficiarias destas axudas os estudantes que na data da presentación da solicitude cumpran os seguintes requisitos:
- Figurar empadroadas no Concello de Bergondo cunha antigüidade mínima de seis meses. Este requisito tamén é esixible á persoa solicitante no caso de representar a un/ha menor.
- Que o alumnado para o que se solicitan estas axudas estean matriculados/as nun centro docente sostido con fondo públicos.
- Estar en situación de vulnerabilidade económica considerando isto cando o conxunto dos ingresos do ano 2020 dos membros da unidade de convivencia non superen, con carácter xeral 3 anualidades do IPREM vixente (20.336,4€).
Este límite ampliarase a 4 anualidades do IPREM vixente (27.115,2€) no caso de grupos de familias de especial consideración: familias numerosas, familias monoparentais, familias con persoas maiores ao cargo, familias con persoas con discapacidade ao cargo, familias acolledoras e familias vítimas de violencia de xénero.
Material subvencionable e contía
1. Só se subvencionará a compra do seguinte equipamento informático: ordenadores portátiles e ordenadores de sobremesa.
2. Subvencionarase a compra dos anteriores dispositivos dixitais que fose realizada dende 01/01/2021.
3. A contía individual de cada axuda será de ata 400€ por estudante que reúna os requisitos establecidos no punto anterior, co límite do custe do dispositivo dixital, de xeito que en ningún caso poderá concederse unha axuda por un importe superior ao prezo do equipo informático que se subvenciona, xustificado coa correspondente factura.
As solicitudes segundo o modelo oficial presentaranse preferentemente de forma telemática a través da Sede electrónica municipal.
Para a vía presencial requírese cita previa chamando ao Rexistro municipal no 981791252 Ext.2 en horario de 09,00 a 14,30h ou a través do enderezo electrónico cita.previa@bergondo.gal.
Neste caso é necesario cubrir o modelo de solicitude, imprimilo e xuntar a documentación requirida.
O prazo estará aberto dende o 28 de setembro ata o 19 de outubro (ambos os dous incluídos)
- Solicitude: Anexo I.
- Fotocopia do DNI, NIE ou pasaporte da persoa que solicite en nome do/da alumno/a.
- Fotocopia do Libro de Familia.
- Fotocopia da Declaración da Renda das Persoas Físicas correspondente o exercicio 2020 de todas as persoas maiores de 18 anos da unidade de convivencia.
- De ser o caso, xustificación de estar afectado/a por un ERTE ou, no caso de autónomos, xustificante de cese de actividade ou redución de ingresos en máis dun 75%.
- Certificado de conta bancaria da que a persoa solicitante sexa titular.
- De non autorizar á consulta, xustificante de empadroamento colectivo.
- De non autorizar á consulta, ou no caso de estar matriculado fora do Termo municipal de Bergondo, xustificante acreditativo de estar matriculado nalgún centro escolar sostido con fondos públicos.
- De ser o caso, a factura xustificativa da subvención: estarán datadas no período subvencionable e conterán o selo de pagado ou xustificación documental que acredite o pago.
- Calquera outra documentación necesaria para acreditar o cumprimento dos requisitos establecidos.
Nome: Solicitude inscrición na convocatoria de axudas extraordinarias de apoio ás familias para a adquisición de material informático.
Unidade tramitadora: Ensino.
Inicio do procedimiento: A instancia de parte.
Tipo de interesado: Persoa física.
Órgano de resolución: Xunta de Goberno Local
Carácter silencio administrativo: Segundo normativa.
Prazo de execución: 3 meses
Recurso aplicable: Potestativo de reposición / Contencioso - administrativo
Canles de atención: Telemático
Presencial
