Castellano
Detalle trámite
Non hai convocatorias abertas actualmente
É obxecto deste procedemento xestionar as solicitudes de inscrición nas actividades de envellecemento activo do Concello de Bergondo para o curso 2026-2027.
O prazo para presentar as solicitudes de praza é dende o 7 ao 10 de setembro de 2026, ambos os dous incluídos.
As persoas maiores de 55 anos. Terán preferencia na adxudicación das prazas as persoas empadronadas no Concello de Bergondo.
As solicitudes presentaránse neste formulario, na sede electrónica municipal ou presencial no Departamento de Servizos Sociais.
Listaxes provisionais: O día 14 de setembro publicaranse na web do concello e no taboleiro de anuncios do Departamento de Servizos Sociais.
Reclamacións ás listaxes provisionais: 15 e 16 de setembro.
Sorteo público e publicación das listaxes definitivas: Se hai máis solicitantes que prazas, realizarase un sorteo público, nos Servizos Sociais, o 17 de setembro ás 10.00 h.
Inscricións e pago* das actividades: do 23,24 e 25 de setembro.
* As actividades teñen un custe de 1,00€/hora
Se rematado este prazo, as persoas admitidas non realizan a inscrición, serán substituídas polas que figuran na lista de reserva.
- Solicitude (Anexo I).
- De ser o caso, acreditación de incorrer nalgún destes casos para a reducción da cota:
- 50% para familias numerosas.
- 50% para persoas inscritas no Programa de Voluntariado dos Servizos Sociais Municipais.
- 50% ou 100% para aquelas persoas que, previo informe de Área de Benestar Social, acrediten circunstancias persoais, sociais ou económicas que xustifiquen a aplicación desta medida.
- 50% para as persoas que acrediten debidamente a súa situación de desemprego, ou ben no caso de menores de idade cando ambos proxenitores ou titor/a da persoa participante o acrediten. Para acreditar esta situación, deberá presentarse xunto coa solicitude un documento acreditativo da inscrición como demandante de emprego, emitidos polo servizo público de emprego e cunha data comprendida dentro do período de preinscrición.
- As persoas que soliciten a redución da cota deberán achegar a correspondente documentación acreditativa no momento de formalizar a inscrición.
Nome: Solicitude de praza nas actividades de envellecemento activo para o curso 2026-2027.
Inicio do procedemento: A instancia de parte.
Tipo de interesado: Persoa física.
Canles de atención: Telemático (Iniciar trámite)
Presencial.
Nota: Se tes algúnha dúbida sobre a documentación, horarios, servizos, etc., antes de presentar a solicitude, podes chamar ó teléfono dos Servizos Sociais 981 79 12 52, ext 4
