Castellano
Detalle trámite
O procedemento de "Solicitude de tarxetas de estacionamento para persoas con mobilidade reducida" ten como obxecto facilitarlles a tarxeta de estacionamento aos veciños ou veciñas do municipio con graves problemas de mobilidade, como documento acreditativo da súa situación, con carácter persoal e intransferible, coa finalidade de favorecer o uso dos transportes privados e para que o seu titular poida gozar das facilidades de estacionamento relacionadas con ela.
A tarxeta de estacionamento só a poden tramitar as persoas que tendo certificado de discapacidade, teñan recoñecida a dificultade para a utilización de transportes públicos e serve para que poidan aparcar nos sitios reservados para persoas con discapacidade.
Persoas físicas que, atopándose legalmente en situación de mobilidade reducida/discapacidade, e estando empadroadas no municipio, desexen solicitar unha tarxeta de estacionamento.
Persoas físicas ou xurídicas que teñan o seu domicilio fiscal no Concello de Bergondo, e sexan titulares de vehículos destinados exclusivamente ao transporte colectivo de persoas con discapacidade que presten servicios sociais e promoción da autonomía persoal e de atención a dependencia.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de tarxetas de estacionamento e accesibilidade para persoas con mobilidade reducida (Anexo I).
- Certificado de discapacidade. Certificado emitido polos equipos de valoración (EVO) da Xunta de Galicia, ou polos doutras comunidades autónomas, indicando o grao de discapacidade e dicindo expresamente que á persoa se lle recoñecen as dificultades para utilizar transporte público.
- No caso de representación achegar a declaración responsable (Anexo II).
- 1 Fotografía tamaño carné.
-
Decreto 35/2000, do 28 de xaneiro, polo que se aproba o Regulamento de desenvolmento e execución da Lei de accesibilidade e supresión de barreiras na Comunidade Autónoma de Galicia.
-
Real Decreto 1056/2014, de 12 de decembro, polo que se regulan as condicións básicas de emisión e uso da tarxeta de estacionamento para persoas con discapacidade.
-
Lei 10/2014, de 3 de decembro, de accesibilidade.
Nome: Solicitude de tarxetas de estacionamento e accesibilidade para persoas con mobilidade reducida.
Unidade tramitadora: Benestar Social.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio positivo.
Prazo máximo notificación resolución: 3 meses.
Recurso aplicable: Potestativo de reposición / Contencioso - administrativo.
Taxas/impostos: Non aplica.
Canles de atención: Telemático (Iniciar trámite).
Presencial.
