Castellano
Detalle trámite
É obxecto da presente convocatoria establecer os criterios e o procedemento de concesión de becas a deportistas individuales de alto nivel do Concello de Bergondo, menores de 35 anos e/ou que non sexan deportistas máster, para o ano 2025, coa finalidade de facilitar a práctica deportiva e a competición de alto nivel, valorando así a súa especial dedicación ao deporte, sendo conscientes das dificultades que conleva; así como promover a difusión do noso concello en eventos deportivos de carácter autonómico, nacional ou internacional.
Poderán solicitar subvencións os deportistas do Concello de Bergondo, menores de 35 anos e/ou que non sexan deportistas máster, que, cumprindo ó prescrito no artigo 13 da Lei 38/2003, e artigo 10 da Lei 9/2007, de 13 de xuño, de subvencións de Galicia, reúnan ademais os seguintes requisitos:
- Estar empadroado no Concello de Bergondo cunha antigüidade de, polo menos, dous anos consecutivos, no momento da solicitude.
- Estar en posesión de licenza deportiva, expedida pola federación correspondente, no momento da solicitude.
- Acreditar o nivel deportivo na especialidade, polo menos, correspondente a ano anterior e/ou ao ano da solicitude.
- Competir, no ano da solicitude en eventos/probas deportivas de relevancia autonómica, nacional ou internacional organizados ou recoñecidos polas respectivas federacións.
- Non estar incurso en ningún dos supostos de incapacidade ou incompatibilidade para obter a condición de beneficiario de subvencións (artigo 13 da Lei 38/2003, do 17 de novembro, xeral de subvencións).
- Ter entre outros fins a realización das actividades obxecto da subvención, así como dispor de estructura suficiente que garante o cumprimento dos seus obxectivos.
- Encontrarse ó corrente das obrigas tributarias co Concello de Bergondo, e con calquera outra administración.
- De ser o caso, ter xustificadas as subvencións recibidas con anterioridade polo Concello de Bergondo.
As solicitudes presentaranse preferiblemente a través da sede electrónica ou, opcionalmente no rexistro xeral do concello de Bergondo.
O prazo de presentación de solicitudes será desde o 24 de setembro ata o 7 de outubro de 2025 (ambos incluídos).
O Prazo de xustificación máximo ata o 30 de novembro.
- Anexo 1: SOLICITUDE, da subvención a deportistas individuais do Concello de Bergondo, ano 2025. Xunto coa seguinte documentación:
- Fotocopia do DNI e, no caso de ser necesario, documento que acredite a representación legal.
- Fotocopia da licenza federativa do ano 2025.
- Certificado da federación de estar nalgún centro de tecnificación ou programa de tecnificación autonómico ou nacional no ano 2024.
- Deberá presentarse un certificado da federación sobre a participación en competicións oficiais, asistencia a xornadas de tecnificación, ou concentracións de selección autonómica e/ou nacional, no que se recolla: lugares de competicións/concentracións, datas e resultados acadados no ano 2023 e/ou 2024.
- Anexo 2: ALTA DE DATOS DE TERCEIROS. Se xa se presentou outros anos, non teñen que presentalo este ano, a non ser que haxa algún cambio.
PARA A XUSTIFICACIÓN (ata o 30 de novembro)- No caso de realizalo a través da sede electrónica, hai que empregar o trámite achega de documentación.
- Anexo 3: XUSTIFICACIÓN, da subvención a deportistas individuais do Concello de Bergondo, ano 2025.
- O certificado da federación sobre a participación en competicións oficiais, asistencia a xornadas de tecnificación, ou concentracións de selección autonómica e/ou nacional, no que se recolla: lugares de competicións/concentracións, datas e resultados acadados no ano 2025.
- Certificado da federación de estar nalgún centro ou programa de tecnificación autonómico ou nacional, especificando o enderezo do centro de tecnificación.
- Cargo bancario ou acreditación inequívoca do pagamento tanto das facturas como dos recibos ou nóminas.
- Certificado da federación onde se acredite que a federación recibiu por parte do interesado a cantidade que corresponda, por gastos de licenza federativa, gastos de inscricións en competicións, federación, etc. Este certificado debe vir con conceptos e gastos desagregados.
- A publicidade onde figure que o Concello de Bergondo subvenciona o proxecto deportivo como deportista individual fotos, prensa, vídeo, publicacións en redes sociais...).
- Que se achega reportaxe fotográfico do proxecto realizado como deportista individual.
- Facturas ou demais documentos de valor probatorio equivalente con validez no tráfico xurídico mercantil ou con eficacia administrativa, nos termos establecidos legalmente. Xuntarase ademais cargo bancario ou acreditación inequívoca do pagamento tanto das facturas como dos recibos ou nóminas.
- Anexo 4: RELACIÓN DE DOCUMENTOS XUSTIFICATIVOS DOS GASTOS REALIZADOS.
- Anexo 5: GASTOS DE VIAXES E DIETAS.
- Anexo 6: RECIBÍ.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Convocatoria de Subvencións municipais a deportistas individuais do Concello de Bergondo para o exercicio económico de 2025.
Unidade tramitadora: Cultura e Deportes.
Inicio do procedemento: A instancia de parte.
Tipo de interesado: Persoa física.
Carácter silencio administrativo: Segundo normativa.
Taxas/Impostos: Non.
Canles de atención: Telemático (Iniciar trámite)
Presencial
Máis información: cultura.deportes@bergondo.gal
