Castellano
Detalle trámite
A actual crise socioeconómica está a deixar unha importante pegada social, que se traduce nun aumento dos niveis de pobreza e exclusión social daqueles colectivos máis vulnerabilizados.
Para facer fronte ás súas consecuencias e paliar o seu impacto económico e social, esta convocatoria ten por obxecto a concesión de axudas económicas para o pagamento das facturas de enerxía eléctrica e térmica ás familias máis vulnerables do Concello de Bergondo.
O prazo de presentación é do 21 de maio ao 31 de outubro do 2024.
Poderán ser beneficiarias destas axudas as persoas físicas maiores de idade que na data da presentación da solicitude cumpran os seguintes requisitos:Poderán ser beneficiarias destas axudas as persoas físicas maiores de idade que na data da presentación da solicitude cumpran os seguintes requisitos:
- Ter a nacionalidade española ou residir legalmente en España, no caso das persoas estranxeiras.
- Que a vivenda á que se refiran as facturas estea situada no Concello de Bergondo e constitúa a súa residencia habitual, así como da súa unidade de convivencia. Para estes efectos, tanto a persoa beneficiaria como as demais persoas integrantes deben constar empadroadas na vivenda cunha antigüidade mínima de seis meses.
Nos casos nos que se evidencie que na vivenda residen máis persoas aínda sen figurar empadroadas, requiriráselles a estas a documentación relativa á situación económica e computará xunto cos ingresos da unidade de convivencia.
- Cumprir ademais con algún dos seguintes requisitos específicos:
- Renda inferior ou igual ao 2 X IPREM de 14 pagas.Cando a súa unidade de convivencia estea formada por máis dunha persoa, o multiplicador de renda respecto ao índice IPREM de 14 pagas se incrementará en:
- 0,5 por cada persoa adicional maior de idade que conforme a unidade de convivencia.
- 0,75 por cada persoa menor de idade da unidade de convivencia.
- Todas as persoas da unidade de convivencia con ingresos económicos sexan pensionistas do Sistema da Seguridade Social (xubilación ou incapacidade permanente) e perciban a contía mínima vixente en cada momento, para ditas clases de pensión, e non ter outros ingresos cuxa contía agregada anual supere os 500 euros.
- Algunha persoa da unidade de convivencia sexa titular da prestación do Ingreso Mínimo Vital en nome propio ou en nome da unidade de convivencia, conforme ao establecido na Lei 29/2021, do 20 de decembro, pola que se establece o ingreso mínimo vital.
- Percepción da Renda de Inclusión Social de Galicia, conforme ao establecido na Lei 10/2013, do 27 de novembro, de inclusión social de Galicia.
Contía e límite das axudas.
- A contía desta axuda será de ata 400 euros. A axuda concederase nun máximo de catro facturas do ano 2024. Poderanse aplicar excepcións na temporalidade das ditas facturas cando estas estean vinculadas a un corte do subministro.
- No caso de esgotarse o crédito, a prioridade de concesión e/ou da fixación da contía determinarase en función do menor resultado de aplicar a seguinte fórmula: ingresos da unidade de convivencia / contía límite de ingresos da unidade de convivencia.
As solicitudes segundo o modelo oficial presentaranse preferentemente de forma telemática a través da Sede electrónica municipal.
Para a vía presencial requírese cita previa chamando ao Rexistro municipal no 981791252 Ext.2 en horario de 09,00h a 14,30h ou a través do enderezo electrónico cita.previa@bergondo.gal.
Neste caso é necesario cubrir o modelo de solicitude, imprimilo e xuntar a documentación requirida.
- Solicitude: Anexo
- Fotocopia do D.N.I.
- Fotocopia da Declaración da Renda das Persoas Físicas correspondente o exercicio 2023, se é o caso.
- Certificado de pensións do Sistema da Seguridade Social, se é o caso.
- Xustificante de ser titular da prestación do Ingreso Mínimo Vital, de ser o caso.
- Xustificante de percepción da Renda de Inclusión Social de Galicia, de ser o caso.
- Certificado de conta bancaria da que a persoa solicitante sexa titular.
- Xustificación do pagamento e facturas de enerxía eléctrica e térmica para as que se solicita a axuda.
- De non autorizar á consulta, xustificante de empadroamento colectivo.
- Declaración responsable de que todos os datos da solicitude son certos.
- Calquera outra documentación necesaria para acreditar o cumprimento dos requisitos establecidos.
Nome: Solicitude de axudas económicas extraordinarias de apoio aos gastos de consumo enerxético.
Inicio do procedimiento: A instancia de parte.
Tipo de interesado: Persoa física.
Recurso aplicable: Potestativo de reposición / Contencioso - administrativo
Canles de atención: Telemático
Presencial
