Castellano
Detalle trámite
Non hai convocatorias abertas actualmente
O obxecto desta convocatoria é cubrir, mediante concurso, dúas prazas de peón/na durante nove meses de acordo coa subvención concedida ao abeiro da Orde de 5 de marzo de 2025 pola que se establecen as bases que regulan as axudas e subvencións para o fomento do emprego no medio rural (Aprol rural) e se procede á súa convocatoria para o exercicio do ano 2025.
Para participar nas probas selectivas os aspirantes deberán reunir os requisitos que a continuación se indican, referidos todos e cada un deles á data de remate do prazo de presentación de solicitudes e deberán manterse durante todo o proceso selectivo:
- Ser español ou nacional dalgún dos estados membros da Unión Europea ou nacional dalgún estado en que en virtude dos tratados internacionais realizados pola Unión Europea e ratificados por España sexa de aplicación a libre circulación de traballadores. Tamén poderá participar, calquera que sexa a súa nacionalidade, o cónxuxe dos españois e dos nacionais doutros estados membros da Unión Europea, e o dos nacionais dalgún estado en virtude dos tratados internacionais celebrados pola Unión Europea e ratificados por España cando sexa de aplicación a libre circulación de traballadores, sempre que non estean separados de dereito. Así mesmo, coas mesmas condicións poderán participar os seus descendentes e os do seu cónxuxe sempre que non estean separados de dereito, sexan menores de vinte e un anos ou maiores da dita idade dependentes.
- Estar en posesión do certificado de escolaridade ou equivalente ou estar en condicións de obtelo na data en que remate o prazo de presentación de instancias.
- Posuir a capacidade funcional para o desenvolvemento das tarefas habituais da praza á que aspira, sen que se padeza enfermidade ou limitación física ou psíquica incompatible coas funcións do posto. A condición de discapacitado e a súa compatibilidade acreditarase coa oportuna certificación. Os aspirantes con discapacidade farán constar na súa instancia se precisan adaptación para as probas.
- Non ter sido separado, mediante expediente disciplinario, do servizo de calquera Administración Pública, nin atoparse inhablitado para o exercicio das funcións públicas por sentenza firme.
- Ser desempregado/a candidato/a remitido polo Servizo Público de Emprego de Galicia segundo a correspondente Oferta de Emprego presentada na Oficina do SPE de Betanzos. En todo caso, deberán de cumpririse os requisitos esixidos no artigo 14 da Orde de 5 de marzo de 2025 pola que se establecen as bases que regulan as axudas e subvencións para o fomento do emprego no medio rural (Aprol rural).
- Forma telemática (preferente): unha vez dentro, pinchar no botón "Entrar". Cubrir o formulario e adxuntar o mesmo a documentación requerida.
- Forma presencial. Se requíre CITA PREVIA chamando a oficina de Emprego e Desenvolvemento local (981-791252 ext 2) no horario de 9:00 ata 14:30 h. Cubrir o formulario de SOLICITUDE, imprimir e xuntar o mesmo a documentación requerida.
O prazo para a presentación de solicitudes vai dende o 29 de maio ata o 4 de xuño.
- Fotocopia do D.N.I.
- Fotocopia do título esixido no apartado B.
- Documentos xustificativos dos méritos que se aleguen para o concurso.
Valoraranse os seguintes méritos:
A.1.–Experiencia profesional ou servizos prestados, ata un máximo de 6 puntos.
Por servizos prestados en calquera Administración Pública ou empresa privada coa categoría de Peón/na (xardinería, carpintería, albanelería, limpeza de praias ou forestal): 0,10 puntos por mes, ata un máximo de 6 puntos.
A acreditación dos servizos prestados efectuarase mediante certificación expedida pola secretaría do concello ou entidade pública onde se teñan prestado os servizos, ou como se sinala a continuación para a empresa privada; para a empresa privada certificado de vida laboral expedido pola Tesourería Xeral de Seguridade Social acompañado do certificado de empresa no que conste a categoría na que se teñen prestado os servizos e/ou contrato de traballo, e só se avaliarán os servizos prestados nos últimos cinco anos, referidos á data na que remate o prazo de presentación de solicitudes. A non presentación de ambos documentos (vida laboral + certificado de empresa e/ou contrato de traballo) suporá a non valoración do mérito alegado.
Non se terán en conta os servizos prestados como autónomo.
A.2 Cursos, ata un máximo de 5 puntos:
De formación:
- cursos relacionados coa actividade e tarefas do posto de traballo a desenvolver impartidos por unha Administración Pública ou entidade pública ou homologadas por elas:
- De menos de 20 horas: 0,10 puntos por curso.
- De 20 a 40 horas: 0,30 puntos por curso.
- De máis de 40 horas: 0,50 puntos por curso.
Os cursos onde non figuren expresamente o número de horas, valoraranse con 0,05 puntos por curso.
A puntuación máxima que se poderá acadar no apartado A.2 será de 5 puntos.
A acreditación dos cursos efectuarase mediante copia dos correspondentes certificados ou diplomas expedidos por calquera Administración Pública ou entidades públicas ou homologadas por elas. Non serán obxecto de avaliación os certificados expedidos por academias privadas.
- Bases da convocatoria.
- Ordenanza fiscal reguladora da taxa pola expedición de documentos administrativos.
-
Lei 2/2015, do 29 de abril, do emplego público de Galicia
-
Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público
-
Real Decreto 896/1991, do 7 de xuño, polo que se establecen as regras básicas e os programas mínimos a que debe axustarse o procedemento de selección dos funcionarios de administración local.
Nome: Convocatoria para a Contratación de 2 peóns socorristas (Aprol Rural).
Inicio do procedemento: A instancia de parte.
Tipo de interesado: Persoa física.
Carácter silencio administrativo: Segúndo a normativa.
Taxas/impostos: Consultar a ordenanza fiscal do apartado da normativa.
Canles de atención: Telemático (Iniciar trámite).
Presencial.
